O‘SIMLIKLARNI YORUG‘LIKKA MOSLANISHI

Abstract

O‘simliklar o‘sayotgan joyiga ko‘ra sahrolardan to baland tog‘largacha tarqalish arealiga egalar. Turli geografik sharoitlarda tabiiy omillardan yorug‘lik muhim ahamiyatga ega hisoblanadi. Turli joylarda yoritilish turlicha bo‘lishi bilan o‘simlikka yorug‘ tushish muddati, spektr tarkibi va boshqalar ham turlicha bo‘ladi. Shunga mos ravishda u yoki bu yoritilishga o‘simliklar moslashadilar. Yorug‘likka nisbatan o‘simliklar geliofitlar, fakultativ geliofit, stsiofitlarga bo‘linadi. Yorug‘sevar o‘simliklar tanasini to‘la xolda quyosh nurining ta’sirida bo‘lishini, ularga soya tushmasligini ta’minlaydilar. Ochiq maydonlar o‘simliklari shu guruhga mansub. Gʻo‘za, makkajo‘xori, sholi, bug‘doy, terak, tol, begona o‘tlar shular jumlasidan. Stsiofitlar – soyasevarlar soyali joyda ham o‘saveradi, kuchli yoritilishni yoqtirmaydi. Quyosh nuri tushmaydigan joylarda o‘sadiganlari ham soyasevarlar hisoblanadi. Xonadonlarimizda tuvaklarda parvarishlanadigan gullar ham shu guruhga mansub.